الى أم الشهيد البطل ، شهيد البصرة الفيحاء ( مكي ياسر الكعـبي)
نشر بواسطة: admin
الثلاثاء 04-09-2018
 
   
ميسون نعيم الرومي

يا أم الشهــيد .. اتصيح عــينوني – وي (مكـّي) أريد اليوم دفـنــوني


احومي بالدرب واتمعنه بالتابوت – وابچفنه اغـَطي اگصايب امتـوني


يالشِـلت النعـِش ماادري بي ليويـن – نـَـزلوه النعـش ويـّـاه شــيـلـوني


ابـدمـَّـك فديـت الشــعـَـب والثـوار – ربيتك بطل .. ماخابت اضنـوني


شوصفنه الضرب گلبك رصاصه اوفر – جـبان اوهالأدور اعـليه دلوني


ابـزفـتـَـك احني ردت بـچفـوفـَـك – من عرسك يـَـ (مكي) ليش حرموني؟


كـتـلوك ابغـَدر هالحفـنـَة الأوغـاد – اخـتـك هالتصيح ابـدمـَّه حـنـونـي

يا أم الشهــيد .. اتصيح عــينوني

***


يا (مكي) البطل واسنينك العشرين – تحرگ حاكم الخضراء والـْدوني


يا (بصره المجد) ! ياقلعة الطيبين – تصرخ حيل: ذوله الغربه باعوني


آنه الگصب والبردي اوونين الناي – آنه الماطفـيـت ابلحظه چانـوني


آنه البصره حرّه اوقبلة الأحرار – انـذال الخيانــَه ابسـجن سجـْـنـوني


باعـَـوْ مـَـيـّـتي والنخل هالعـدموه – أحارب بالسعـف فـنكم تـذلـّـوني


آنه ام الكرم واچفوفي تنگِـط خير – ما يوم اوفـرغ فد لحظه ماعـوني


آنه البصره مني ... شعــْــلة الثوار – ماتطفي أبـَــد ياخـــوتي عـينوني

يا أم الشهــيد .. اتصيح عــينوني

ـــــــــــــــــــــــــــــــــــــــ

*الشهيد مكي ياسر الكعبي : شهيد البصرة الثائرة ، الذي أغتالتـه أيادي حكومـة الغدر والخيانـة


يوم الإثنين المصادف 3 أيلـول 2018


------------------------------------------


ســـــــــــــتوكهولم 4/ايلول/2018



 
   
 



اقـــرأ ايضـــاً
31 قتيلاً وجريحاً من الحرس الثوري الإيراني جراء الهجوم على الاستعراض العسكري
إيران تغلق منفذين حدوديين مع العراق بسبب هجوم الأهواز
تركيا بعد 26 شهرا.. اعتقالات الانقلاب لا تزال مستمرة
إسرائيل: أثبتنا لروسيا مسؤولية سورية عن إسقاط طائرتها
حصري.. وزير الخارجية اليمني للحوثيين: نريدكم شركاء في الوطن
بومبيو يجدد تهديد إيران بإجراءات مباشرة
وكالة فرانس برس : الخناق يضيق على البغدادي
تقارير صحفية: مسؤول أمريكي في التحقيق بشأن روسيا اقترح التنصت على ترامب
السفارة الامريكية في العراق : برواري كان لا يعرف الخوف
واتس آب "يختفي" من أجهزة ملايين المستخدمين حول العالم!
البرلمان العراقي يطالب باستدعاء السفير البريطاني لـ"تدخله" بشؤون البلاد
فيسبوك تعزز تصديها للأخبار الكاذبة بشأن الانتخابات رغم انتشارها الواسع
 


اشترك معنا في النشرة البريدية للموقع ليصلك جديد الموقع من الاخبار والمقالات المنوعة على بريدك الالكتروني