خيه جرشي... قصيده بقلم: حسن حاتم المذكور
نشر بواسطة: admin
الجمعة 03-08-2018
 
   


صبرچ اللامه الصبر


عبيه وجرشي


ونتي من سبوس الضيم


هاچ اخذي وطحني


وانه حال الكدر حالي


تايهه بديرة هلي


والوطن ملچوم


شايلته على چتفي


خلي ضيمي وضيم كل الناس


وي همچ وجرشي


..........


لا هي سنين الگحط


والجوعنه عدنه عذرنه


حتى لو طاعون


عطابة صبر تشفي جرحنه


وبينه لو مال الوكت


يحمينه ويلمنه سلفنه


مصابنه ما ينوصف


ما صار گبله


الصار بينه


عگب المنازل والزرع


وبيوت اهلنه


صبحت هيمه


ووطن ملچوم


شايلته على چتفي


خلي ضيمي وضيم كل الناس


وي همچ وجرشي


...........


خيه مچلوبين اجونه


بليله ظلمه ضباع چنهم


يكرم العضاض من طبع العليهم


لا حيه ولا ذمه عدهم


حتى الشوارع


لطخوهه بدم ولدنه


دهر فرهم


يرطنون بالمعروف


ما نعرف دردهم


وشاغ طفوا مهجته


تاريخ كتلوا


ظل جرحهم


يوجع الديره جرحهم


وانه حال الضيم حالي


تايهه بديرة هلي


والوطن ملچوم


شايلته على چتفي


خلي ضيمي وضيم كل الناس


وي همچ وجرشي


..............


البين صاب اهلك وصابك


يا زمان البيك اجوا


عاب حملك


من هذاك الصوب


بيك تلملموا


عسكروا بالسلف هندس


والصبح بالعين طفوا


العيد بهلاله نذبح


الفرح والضحكات كتلوا


دولاب مروا


لا اثر للناس لا للديره خلوا


بس وطن مجروح


شايلته على چتفي


خلي ضيمي وضيم كل الناس


وي همچ وجرشي


....


مثل واوي الزور ذوله


خيه حيالين واكثر


ولچ مثل الذيب


غدارين واكثر


وذاك ابو عمامه اليصلي


وبسنه ايده


چان (هتلي) وما يشور


ذوله شيعي يبوك شيعي


ذوله شيعي يخون شيعي


يبيع شيعي "الله واكبر"


مذهب "اهل البيت هذا"


لو صخام الوجه ياختي؟؟؟


خلي ضيمي وضيم كل الناس


وي همچ وجرشي


ونتي من سفير البين


هاچ اخذي وطحني


وانه حال الكدر حالي


تايهه بديرة هلي


والوطن ملچوم


شايلته على چتفي


..............


مشوا زيتوني


وجوا لحيه ومحابس


تفصل المعروف والمنكر


على شخير المجالس


طلع علاس اليشور


خيه بعرينه الچفن لابس


ولچ لا بس موتنه


شفتي شعواط الچذب


والغيره نزعت ثوبهه


والوجه يابس


باگوا المامش من عيون اليتامه


والباگنه للدين حارس


خيه شدن حيلچن


صيحن الصوب الجنوب


منك انريد الفرج


وسنينه البيهه فرحنه


نگول ردن


علگن چراغدچن بيارغ


فوگ هامات النخل


تموز للساحه وصل


... خيه وصل


والوطن فزّ على چتفي


ولچ دگي وهلهلي


وانتي اطحني


ارغيف اهلنه


خيه الوطن جوعان اخبزي


خيه الشعب جوعان اخبزي


خيه اخبزي وهلهلي


علگن جراغدچن


على چتاف النخل


تموز للساحه وصل


...... خيه وصل


ـــــــــــــــ



 
   
 



اقـــرأ ايضـــاً
حقوق" يعتبر ملاحقة ناشطي البصرة استمرارا لأساليب القمع الديكتاتورية ويعلن توفير فريق قانوني للدفاع عنهم
احمد خلف وتسارع الخطى
إطلاق تسمية (شهداء الصحافة) على أحد شوارع بغداد
حكومة الاقليم تعلن اعتقال عدد من المسؤولين الامنيين في اربيل
إيران: زيادة مدى الصواريخ أرض/بحر إلى 700 كيلومتر
زعيم الأغلبية بمجلس الشيوخ الأمريكي: ثمة حاجة لمعرفة ما حدث لخاشقجي قبل التحرك
تعادل قاتل للسعودية مع العراق بالدورة الرباعية
مسعود البارزاني يصف ذكرى عملية "فرض القانون" في كركوك بـ"يوم مظلم" للكورد
العبادي: وجهت الوزراء الحاليين بتسليم حقائبهم كاملة للحكومة المقبلة
السلطات التركية تفتش منزل القنصل السعودي
بومبيو يزور تركيا الأربعاء
لجنة تقصي الحقائق توضح ما حدث خلال تظاهرات البصرة
 


اشترك معنا في النشرة البريدية للموقع ليصلك جديد الموقع من الاخبار والمقالات المنوعة على بريدك الالكتروني